De kjære i Jesus Kristus, - Frøydis, Nora, Solveig, Inger Lise, Kjellfrid, Nora Johanne, og alle i Norge som støttar ILCT. Herren Jesus vere lova!
Alle me som arbeider i ILCT i Mbulu har det veldig bra. Det går fint med undervisninga av iraqw-talande personar som ikkje kan lesa og skriva. Me hjelper òg dei som meistrar lesekunsten, slik at dei også skal kunna lesa sitt eige iraqw-språk.
Leseklassane i Dongobesh og Haydom har hatt stor framgang dette året. Barnehagen i Mbulu fortset som før, for born frå fire til seks år. Der er 60 born, 30 på føremiddag og 30 på ettermiddag.
Me i ILCT i Mbulu sender stor takk til dykk i Norge for all pengehjelp! Utan denne store støtta hadde det vore svært mange som mangla lese- og skrivekunnskap her. Dei som har fått læra, kan nå gleda seg over å lesa og skriva sitt eige språk. Det er stort for dei å få lesa Bibelen på iraqw og forstå kva dei les!
Samtidig som me takkar for all hjelp, fortset me å be om støtte til meir leseopplæring. Klassane held fram, både i Dongobesh- og Haydom-området. Der er det mange som ikkje kan lesa, så me treng dykkar omsorg i forbønn og i gåver.
Hjarteleg takk for hjelpa til å trykkja opp att leseboka, som nå er ferdig i 10 000 eksemplar! Gud velsigne dykk!
Til slutt vil eg ønska alle ei God Jul og Velsigna nytt år 2025!
Salme 133,1-3: «Sjå, kor godt og fagert det er når brør bur fredeleg saman! Det er som når dyr olje på hovudet renn ned i skjegget, renn ned i Arons skjegg og over saumen på hans kjortel. Det er som når dogg frå Hermon fell på Sions fjell. For der gjev Herren velsigning og liv til alle tider.»
Dette verk er lisensieret under en Creative Commons Navngivelse 4.0 Internasjonal lisens
.