Me helsar dykk, våre kjære i Jesu namn: Nora, Frøydis, Inger Lise, Kjellfrid, Solveig, Nora Johanne og alle som støttar arbeidet til ILCT i Norge.
Me her i Mbulu er friske og held fram i arbeidet. På vegner av alle i ILCT-staben vil eg få senda stor takk til styret i Norge for deira kjærleik og støtte til arbeidet vårt. Med Guds hjelp prøver me å leia arbeidet så godt me kan. Nå i 2024 fortset undervisninga for dei som ikkje kan lesa og skriva, både i Dongobesh og Haydom prosti. Me har meir enn 30 lærarar som underviser analfabetar, og me har undervisning på 15 stader.
Når det gjeld barnehagen, fortset lærarane å undervisa dei små. Me har seks lærarar og ikkje mindre enn 60 barn der.
På vegner av kontoret vil eg seia at innsatsen er god og at me gler oss over tenesta. Mange blant iraqwfolket i Mbulu-området kan nå lesa, skriva og rekna, og dei les Guds ord på sitt eige språk. Dei sluttar ikkje å takka Mama Frøydis for hennar flotte visjon om bruk av iraqw-språket.
Me ber til Gud for henne, om framtidig vern og betre helse.
ILCT Mbulu sender mange takk til alle leiarane i Norge og til alle som bidreg økonomisk. Dykkar deltaking og innsats er så viktig! Så me ber dykk om å fortsetta støtta og hjelpa til arbeidet her. For det er store behov og mykje ugjort når det gjeld lese- og skriveopplæring. Me satsar på å starta fleire nye leseklassar i Dongobesh og Haydom-områda. Planen er også å ha 3-dagars kurs mange stader i dei same områda. Så, hjarteleg takk for all hjelp, og Gud velsigne dykk!
Til slutt vil me ynskja dykk eit fint ILCT-møte i Norge no i juni, og me fortset å be for dykk!
1 Kor. 15,58: «Difor, mine kjære sysken, ver støe og urikkelege. Ta stadig rik del i Herrens gjerning! For de veit at i Herren er ikkje arbeidet dykkar nyttelaust.»
Dette verk er lisensieret under en Creative Commons Navngivelse 4.0 Internasjonal lisens
.