Først av alt takkar eg den allmektige Gud for hans mange velsigningar! Gud er alltid god, og han er alltid rik på miskunn. Alle som arbeider i ILCT gler seg og står på i arbeidet anten det er lærarane i landsbyane, barnehage-lærarane, leiarane våre, kokkene eller vaktene. Alle gjer det dei blir bedne om. Me har all grunn til å takka Gud, for det er Han som gjer oss i stand til å klara oppgåvene. Me ber for leiarane og arbeidarane våre i ILCT. Me takkar Far og legg oss sjølve i hans hender: «Fortset med å velsigna oss, leiarane i Norge og i Tanzania!»
Me har planta 50 trær på området vårt for at det skal bli finare. Ute held me orden ved å fjerna søppel, og inne blir golva vaska regelmessig. Rundt husa har me begynt å planta blomar slik at området opplevast fint. ILCT har verkeleg lukkast i å oppgradera nærmiljøet.
For å tena pengar, har leiarane våre planlagt hønsehald og grønsakdyrking. Me har starta med kyllingproduksjon og får egg til hushaldet og til salg. Kinakål, paprika, kål og anna grønt blir også dyrka både til husbruk og salg. Dessutan har me frukt på tomta vår, - appelsinar, sitronar, papaya, bananar og topetope. Slik får me også syltetøy og saft til hushaldninga, noko me gler oss over.
Dette verk er lisensieret under en Creative Commons Navngivelse 4.0 Internasjonal lisens
.