Eg var i ettermiddag i kontakt med Nora frå Tanzania. Og ho sendte meg nokre bilde frå hendingar, denne veka. Desse bilda og eit lite video -klipp delar eg no vidare med dykk som er innom her på ILCT si heimeside.
Nora og Frøydis fortel at dei har hatt ei travel veke med mange store ting, dei har fått vore med på.
Tysdag 9 april var dei med og opne to ny klassar for analfabetar i landsbyen Dirim. Der traff dei blant anna Antoni som vart fødd under 60 års jubileumsfesten for Frøydis, i fjor.
Onsdag besøkte dei klassen på det første bildet. Der var det så trongt at 17 ungdommar måtte sitje som sild i tønne for å få plass i den vesle kyrkja som var klasserom. Det var så dårleg med plass at ein av elevane valde å sitje på golvet, mens dei var til stades. Desse hadde nyleg hatt eksamen, der samtlege besto.
Torsdag var dei med på avsluttingfest i Mungahay for to klassar. Der song den eine klassen for dei og dette kan du sjå i video -klippet under. Dei gav også Frøydis ei gåve som takk for at arbeidet hennar mogleggjer at dei no kan få lære seg å lese og skrive. Gåva var ein sekk poteter.
Dette verk er lisensieret under en Creative Commons Navngivelse 4.0 Internasjonal lisens
.